• მთავარი
No Result
View All Result
Cognita | კოგნიტა
  • მთავარი
  • 5 ნაბიჯის პროგრამა
  • ადიქციები
  • ფსიქოლოგია
  • კეთილდღეობა
  • გარემო
  • მთავარი
  • 5 ნაბიჯის პროგრამა
  • ადიქციები
  • ფსიქოლოგია
  • კეთილდღეობა
  • გარემო
No Result
View All Result
Cognita | კოგნიტა
No Result
View All Result

კეთილგანწყობის შენარჩუნების მნიშვნელობა სტრესის დროს

ninobekaia by ninobekaia
ოქტომბერი 10, 2023
in ფსიქოლოგია
420 4
0
კეთილგანწყობის შენარჩუნების მნიშვნელობა სტრესის დროს
გააზიერე ფეისბუქზეგააზიარე ტვიტერზე

დღეს თითქმის ყოველი ჩვენგანი განიცდის სტრესს, რაც შეიძლება გამოიწვიოს გაურკვევლობამ და არასტაბილურმა გარემომ. ზოგადად, სტრეს-ფაქტორები სხვადასხვა შეიძლება იყოს და თავად სტრესიც სხვადასხვა ინტენსივობისაა. როდესაც ხდება ისეთი ფართომასშტაბიანი მოვლენა, როგორიც არის ომი, ამან შესაძლოა გამოიწვიოს შფოთვა, შიში, უსუსურობის განცდა მათშიც, ვინც ამ მოვლენების უშუალო მონაწილე არაა და ეს ნორმალურია. 

არცთუ ისე დიდი ხნის წინ გავიარეთ პანდემიის პერიოდი, თვალს ვადევნებთ უკრაინაში რუსეთის მიერ გაჩაღებული ომის კატასტროფულ შედეგებს, მიმდინარე საომარ მოქმედებებს ისრაელის და სექტორ ღაზას ტერიტორიებზე. აქედან გამომდინარე, ჩვენ ცნობიერებაში შესაძლოა ჭარბობდეს ნეგატიური ფიქრები და ემოციები. 

You might also like

რატომ გვაქვს საახალწლო შფოთვა და როგორ შევამციროთ ის

რატომ გვაქვს საახალწლო შფოთვა და როგორ შევამციროთ ის

თებერვალი 3, 2025
ტოქსიკური ურთიერთობები — რა ნიშნები ახასიათებს და როგორ ვმართოთ ის

ტოქსიკური ურთიერთობები — რა ნიშნები ახასიათებს და როგორ ვმართოთ ის

თებერვალი 3, 2025

ომით დაზარალებულ ადამიანებს სიბრაზის ემოცია ერთის მხრივ, ეხმარება გააგრძელონ ცხოვრება, ხოლო მეორეს მხრივ, თუ უკონტროლო ხასიათი მიიღო, ანადგურებს მათ ფსიქიკურ და ფიზიკურ ჯანმრთელობას. ამიტომაც, ლტოლვილებთან სამუშაო სახელმძღვანელობი ითვალისწინებენ ბრაზთან მუშაობის კომპონენტს. 

უკიდურესად დასტრესილ ადამიანებში ბრაზი შეიძლება მიემართებოდეს გარშემომყოფთა მიმართ, მაგალითად საკუთარი ოჯახის წევრების ან თემის წევრების მიმართ. შეიძლება თავი იჩინოს არაკეთილგანწყობამ სხვების მიმართ, რაც ადამიანს კონფლიქტურს ხდის და კიდევ უფრო ამძიმებს მის ემოციურ მდგომარეობას. ცხადია, ომით დაზარალებულ მოსახლეობას კომპლექსური დახმარება ესაჭიროება და პირველ რიგში, საომარი მოქმედებების დასრულება. 

მოცემული სტატიით, მიზნად ვისახავ იმ ადამიანების მხარდაჭერას, ვინც არც პირადად არის დაზიანებული ომით, და არც ახლო ნათესავები ან მეგობრები ჰყავს შეიარაღებული კონფლიქტის ზონაში. 

სტრესთან და ინტენსიურ, ნეგატიურ ემოციებთან გამკლავებისა და დაძლევის არაერთი საშუალება არსებობს, თუმცა ამჯერად გამოვყოფ ერთ-ერთ მნიშვნელოვან ფაქტორს. აღმოჩნდა, რომ კეთილგანწყობის გაღვივება საკუთარი თავისა და გარშემო მყოფი ადამიანების მიმართ ამცირებს სტრესს, აუმჯობესებს გუნება-განწყობას, თვითშებასებასა და სტრესის მიმართ მედეგობას, ზოგადად ზრდის ცხოვრების ხარისხსაც.  

რას ნიშნავს კეთილგანწყობის გაღვივება?

როდესაც ვფიქრობთ კეთილგანწობაზე, რა სიტყვები მოგვდის თავში? რა ემოციას ან ფიქრებს იწვევს? რას ნიშნავს იყო კეთილგანწყობილი, ქცევის დონეზე?

მე, როდესაც კეთილგანწყობილ ადამიანზე ვფიქრობ, პირველი სიტვები, რაც მომდის თავში, არის: მზრუნველი, ღია, გულუხვი, შემწყნარებელი, თბილი, მხარდამჭერი. თქვენ შესაძლოა, სხვა სიტყვებითაც ახასიათებდეთ ამ თვისებას. თუმცა, როდესაც ვიხსენებთ კეთილ ადამიანებს და კეთილგანწყობას, რომელიც გამოიჩინეს ჩვენს მიმართ, სასიამოვნო ემოცია გვიჩნდება, სიმშვიდისა და სიხარულის განცდა გვეუფლება. 

საკუთარი თავისა და სხვების მიმართ კეთილგანწყობილი ყოფნა მოითხოვს დროსა და გარკვეული რესურსი გაღებას, მოთმინებას, არაგანსჯად დამოკიდებულებას, შრომას, სწავლასა და  თავდადებას. თუმცა, რა შეიძლება იყოს იმაზე კარგი და დამხმარე, როდესაც კეთილად ექცევი საკუთარ თავსა და სხვებს. 

თუმცა არის მდომარეობები, როდესაც ნაკლებად გვაქვს რესურსი ვიმოქმედოთ და გამოვიჩინოთ ზრუნვის ან სხვა სიკეთის აღმნიშნელი ქცევა საკუთარი თავისა თუ სხვების მიმართ. პირველ ეტაპზე იმის გაცნობიერება, რომ ჩვენ ვართ ადამიანები, რომლებსაც გვაქვს მრავალი ემოცია, ტრავმა, სხვადასხვა დაძლევის სტრატეგიები, ზოგადად, გვაქვს სხვადასხვა გამოცდილება და შესაბამისად ვიქცევით, ზოგჯერ გაუცნობიერებლადაც კი, და ეს ძალიან ადამიანური ამბავია. 

როგორ შევინარჩუნოთ კეთილგანწყობა საკუთარი თავისა და გარშემო მყოფების მიმართ მაშინ, როდესაც ძალიან ცუდად ვართ?

იყავი კეთილი. იყავი კეთილი საკუთარი თავისა და სხვების მიმართ. ადვილია? არა. დასწავლადია? კი. 

საკუთარი თავის და გარშემო მყოფი ადამიანების მიმართ პოზიტიური დამოკიდებულების მხარდაჭერაში გვეხმარება ქვემოთ ჩამოთვლილი სავარჯიშოები:

სავარჯიშო — პოზიტიური აფირმაციები 

პოზიტიური აფირმაციები შეგიძლიათ თავად შეადგინოთ (თუმცა აუდიო-ვიდეოს სახითაც ბევრია). ამისთვის დაგჭირდებათ კალამი და ფურცელი. პოზიტიური აფირმაციების მაგალითს კი ქვემოთ გთავაზობთ. გაითვალისწინეთ, რომ აფირმაციები შეიძლება იყოს მრავალფეროვანი და ეხებოდეს ჩვენთვის მნიშვნელოვან სხვადასხვა საკითხს. 

გთავაზობთ ჩემს ზოგიერთ აფირმაციას მაგალითისთვის: 

– მე ვარ უსაფრთხოდ; 

– ჩემი ახლობლები და ოჯახის წევრები არიან კარგად და უსაფრთხოდ; 

– ჩემი ფიზიკური, ფსიქოლოგიური ჯანმრთელობა დღითი დღე უმჯობესდება; 

– თავს ვგრძნობ მშვიდად, კარგად, ბედნიერად; 

– ჩემი ღირებულებები ჩემი სიმყარეა; 

– მიყვარს საკუთარი თავი და ადამიანები ჩემ გარშემო; 

– შემიძლია უბრალოდ ვიყო, საკუთარი თავის განსჯის გარეშე; 

– ადამიანები ჩემ ირგვლივ მეხმარებიან;

 – მაქვს/მექნება ყველა რესურსი, რაც მჭირდება;

სავარჯიშო – სიყვარულის ენა

სავარჯიშო “სიყვარულის ენა” გვეხმარება გავიუმჯობესოთ კომუნიკაცია საყვარელ ადამიანებთან, პარტნიორებთან, ოჯახის წევრებთან, მეგობრებთან, ნაცნობებთან. ჩვენს კულტურაში ნორმალიზებულია საკმაოდ უხეში საკომუნიკაციო ენა, თუმცა შეგვიძლია ახლობლებს ვთხოვოთ, ურთიერთობაში ჩვენ მიმართ გამოიყენონ “სიყვარულის ენა” და მაგალითიც თავად ვაჩვენოთ. 

“სიყვარულის ენა” თავაზიანი, გულწრფელი, მზრუნველი, მომთმენი, მხარდამჭერი და სიყვარულის გამომხატველი ფრაზებით სავსეა. ყველას, ასაკის მიუხედავად, გვჭირდება ადამიანური სითბო, პირველ რიგში ახლობელი ადამიანების მხრიდან. შესაძლოა, თავიდან “სიყვარულის ენის” გამოყენებაზე საკუთარი თავის და სხვების შეხსენებაც დაგჭირდეთ (მთავარია, შეხსენებაც სიყვარულის ენაზე იყოს), მაგრამ სულ მალე ის თქვენი და თქვენი ახლობლების მთავარი სასაუბრო ენა გახდება. 

პატარ-პატარა ნაბიჯებით ჩვენ შეგვიძლია გავიუმჯობესოთ ცხოვრების ხარისხი მიუხედავად გარემო ფაქტორებისა, რომლებიც დისტრესს იწვევს. ჩვენ შესაძლოა ზუსტად არ ვიცოდეთ რამდენად დიდია ის პოზიტიური გავლენა, რასაც ჩვენი კეთილგანწყობა ახდენს გარშემო მყოფებზე, თუმცა ზუსტად გვეცოდინება მისი სასიკეთო შედეგები საკუთარ თავზე. 

 

გამოყენებული მასალა:

ბოლქვაძე ნ. (2022). სტრესის მართვის ეფექტური  სტრატეგიები ქვიარებისთვის და არა მხოლოდ. პრაქტიკული სახელმძღვანელო.

Alfonso J. et al. (2021). The effects of gratitude and kindness on life satisfaction, positive emotions, negative emotions, and COVID-19 anxiety: An online pilot experimental study

Stallman M.H. et al. (2017). The Role of Social Support, Being Present, and Self-kindness in University Student Psychological Distress

World Health Organization (2020). Doing What Matters in Times of Stress: An Illustrated Guide

ninobekaia

ninobekaia

Related Stories

რატომ გვაქვს საახალწლო შფოთვა და როგორ შევამციროთ ის

რატომ გვაქვს საახალწლო შფოთვა და როგორ შევამციროთ ის

by ninobekaia
თებერვალი 3, 2025
0

შობა-ახალი წელი დასვენების, გართობის, ოჯახის წევრებთან და მეგობრებთან ყოფნის დროა. მიუხედავად იმისა, რა პრიორიტეტები გვაქვს და როგორ აღვნიშნავთ ახალ წელს,...

ტოქსიკური ურთიერთობები — რა ნიშნები ახასიათებს და როგორ ვმართოთ ის

ტოქსიკური ურთიერთობები — რა ნიშნები ახასიათებს და როგორ ვმართოთ ის

by ninobekaia
თებერვალი 3, 2025
0

რას ნიშნავს ტოქსიკური ურთიერთობა როდესაც ურთიერთობებში პირველ ნაბიჯებს ვდგამთ, ბევრმა არც კი ვიცით, რომ ურთიერთობების შესახებ ჩვენი წარმოდგენები და რწმენები ზოგჯერ თავიდანვე ტოქსიკურია....

დავიწყოთ ორშაბათიდან – აუცილებლად გამოგვივა!

დავიწყოთ ორშაბათიდან – აუცილებლად გამოგვივა!

by ninobekaia
თებერვალი 3, 2025
0

,,ორშაბათიდან ვიწყებ დიეტას”, ,,ხვალიდან სიგარეტს არ გავეკარები”, ,,ამ ახალმა წელმაც ჩაიაროს და დავიწყებ ვარჯიშს”, ,,გავიდეს ეს ზაფხული და სიცხეები და...

18 არაადაპტური სქემა, რომელიც შეიძლება ცხოვრებას გვიმწარებდეს

18 არაადაპტური სქემა, რომელიც შეიძლება ცხოვრებას გვიმწარებდეს

by ninobekaia
ნოემბერი 27, 2023
0

ყველა ადამიანი, მისი უნიკალური გამოცდილებებიდან და ცოდნებიდან გამომდინარე, გარესამყაროს საკუთარი უნიკალური პრიზმიდან უყურებს. პრიზმა ერთგვარი ფილტრია, რომლის გავლითაც ჩვენ აღვიქვამთ...

Recommended

ადიქცია და იოგა

ადიქცია და იოგა

ივლისი 27, 2023
ადიქცია და ფიზიკური აქტივობა

ადიქცია და ფიზიკური აქტივობა

ივლისი 22, 2023

Popular Story

  • ადიქციის სახეობები, წარმოქმნის მექანიზმები და მათი გავლენა ადამიანზე

    ადიქციის სახეობები, წარმოქმნის მექანიზმები და მათი გავლენა ადამიანზე

    622 shares
    Share 249 Tweet 156
  • 12 ნაბიჯის პროგრამის პირველი ნაბიჯები საქართველოში – ინტერვიუ მანანა სოლოღაშვილთან

    614 shares
    Share 246 Tweet 154
  • ნიკოტინი – დამოკიდებულება თუ მავნე ჩვევა?

    599 shares
    Share 240 Tweet 150
  • ელექტრონული სიგარეტი და გასახურებელი თამბაქო

    598 shares
    Share 239 Tweet 150
  • ტოქსიკური ურთიერთობები — რა ნიშნები ახასიათებს და როგორ ვმართოთ ის

    595 shares
    Share 238 Tweet 149
დაგვიკავშირდით:
ელ. ფოსტა: centercognita@gmail.com
ტელეფონი: +995 593 228 168
წესები და პირობები | პერსონალური მონაცემების დაცვის წესები

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

  • მთავარი
  • 5 ნაბიჯის პროგრამა
  • ადიქციები
  • ფსიქოლოგია
  • კეთილდღეობა
  • გარემო

Are you sure want to unlock this post?
Unlock left : 0
Are you sure want to cancel subscription?
Go to mobile version